FC Suhareka ka arritur marrëveshje për zgjatjen e bashkëpunimit me futbollistin Yll Hoxha, i cili është edhe kapiten i kësaj skuadre.
Skuadra që e ka siguruar inkuadrimin në Superligë nuk e ka përjashtuar që Hoxha të jetë edhe për disa vite pjesë e skuadrës.
“Ju njoftojmë që futbollisti dhe kapiteni ynë i skuadrës Yll Hoxha do jetë pjesë e klubit edhe këtë edicion 2024/25 me mundësi vazhdimi edhe më tutje. Kapiteni Hoxha ishte shtylla kryesore e skuadrës që vetëbesimi që kishte në vete e shfaqi edhe tek futbollistët e tjerë duke i motivuar e i mbështetur në të gjitha aspektet. Vazhdojmë të bashkuar drejt qëllimeve të reja”, thuhet në njoftimin e Suharekës.