Deputetja e Guxo, Jeta Statovci, e ka quajtur goditje të marrëveshjes, angazhimin e Serbisë për ta penguar Kosovën që të anëtarësohet në Këshillin e Evropës.
“Angazhimi dhe fushata diplomatike e Beogradit kundër anëtarësimit të Kosovës në KiE, është një tjetër goditje e Serbisë ndaj Marrëveshjes së Brukselit”, është shprehur Statovci.
“Një qasje e tillë dëmton rëndë besueshmërinë e procesit, teksa BE duhet të ketë qasje më të balancuar”, shkruan ajo.
Ndërkaq Serbia këtë të premte ka themeluar ekip për ta kundërshtuar procesin e pranimit të Kosovës në KiE, të cilin do ta drejtojë ministri i Jashtëm, Ivica Daçiq.
Bashkimi Evropian në anën tjetër ka refuzuar që të komentojë këtë ndërmarrje, për çfarë ka pasur kritika.