Ofensiva ukrainase në rajonin rus të Kurskut nuk i pëlqen Putinit dhe, nëse kjo e bën atë pak të pakëndshëm, atëherë ka një zgjidhje të thjeshtë, ai mund të largohet nga Ukraina, deklaroi sot zëdhënësi i Shtëpisë së Bardhë, John Kirby.
”Kievi ka mbështetjen e plotë të Uashingtonit në inkursionin e tij që ka sjellë luftë në Rusi dhe siklet në Kremlin për një javë”, shtoi ai.
”Kievi e shikon të ardhmen me optimizëm. Pavarësisht betejave të vështira dhe intensive, forcat tona vazhdojnë të përparojnë”, deklaroi Volodymyr Zelensky duke pretenduar se ”74 komunitete janë nën kontrollin ukrainas”.
Deklaratat që vijnë nga Moska janë të një natyre krejtësisht të ndryshme, sipas të cilave forcat ruse vazhdojnë të zmbrapsin përpjekjet e Ukrainës për të depërtuar thellë gjatë bombardimit të rezervave të forcave të armatosura të Kievit në rajonin Sumy.