Ka përfunduar ndeshja në stadiumin “Elbasan Arena” me Kombëtares së Shqipërisë dhe asaj të Çekisë në grupmoshat U21, ku mysafirët kanë siguruar pikët e plota.
Pas plot 90’ minutave lojë të zhvilluara, Shqipëria është mposhtur si vendase me rezultat minimal 1:0 nga Republika e Çekisë, ndeshje kjo e vlefshme për kualifikimet drejt Evropianit Euro 2023 për grupmoshat U21. Përgjatë gjithë ndeshjes, zhbllokimi i rezultatit erdhi nga një autogol, ku mbrojtësi Sergio Kalaj shënon në portën e tij në minutën e 35’ për t’i siguruar çekëve fitoren minimale 1:0 kundër kombëtares së tij. Me pikët e reja, Çekia renditet në vendin e parë në Grupin G me gjithsej 16 pikë të arkëtuara, krahas Shqipërisë që tani zë vendin e katërt në tabelë në kuotën e nëntë pikëve, aq sa ka edhe Sllovenia në vendin e tretë.