Kryeministri i Kosovës, Albin Kurti raportohet se më 15 dhe 16 maj do të marrë pjesë në Samitin Rajonal të liderëve në Kotor të Malit të Zi. Atje, pritet të jetë edhe presidenti serb, Aleksandër Vuçiq.
Sipas “Express” i pranishëm do të jetë edhe kryeministri i Shqipërisë, Edi Rama, kryeministri i Maqedonisë së Veriut, Talat Xhaferi, Komisioni evropian për Fqinjësi dhe Zgjerim, Oliver Varheley si dhe Ndihmëssekretari amerikan i Shtetit për Evropën dhe Euroazinë, James O’Brien.
Veç Kurtit, pjesëmarrës nga Kosova do të jenë edhe zëvendëskryeministri për dialog, Besnik Bislimi si dhe kryetari i Odës Ekonomike të Kosovës, Lulzim Rafuna.