Rusia do të mbajë zgjedhjet presidenciale më 17 mars 2024, sipas njoftimit nga Këshilli i Federatës, dhoma e lartë e parlamentit rus.
Nëntorin e kaluar, zëdhënësi i Kremlinit Dmitry Peskov tha në një intervistë se ai shpresonte se presidenti rus Vladimir Putin do të kandidonte përsëri në zgjedhjet e marsit, që do të thotë se ai do të qëndronte në pushtet të paktën deri në vitin 2030.
Boris Yeltsin i dorëzoi presidencën Putinit në ditën e fundit të vitit 1999 dhe tashmë ka qenë në pushtet më gjatë se çdo lider rus që nga Jozef Stalin, duke tejkaluar rekordin e Leonid Brezhnev prej 18 vitesh.
“Putini ende nuk ka bërë të ditur nëse ka ndërmend të kandidojë, por sinqerisht dua të besoj se do ta bëjë dhe nuk kam asnjë dyshim se do të fitojë zgjedhjet.
Nuk kam asnjë dyshim se ai do të vazhdojë të jetë president”, theksoi Peskov.