Rita Ora mund të ketë dhënë arsyen se pse u largua nga “The Masked Singer”, ndërsa u zëvendësua nga Maya Jama.
Këngëtarja e “Hot Right Now”, 34-vjeçare, nuk e ka adresuar publikisht largimin e saj katër vjet pasi iu bashkua shfaqjes ITV, kur ajo mori detyrën nga Nicole Scherzinger.
Sidoqoftë, në Instagram, Rita la të kuptohet se programi i saj i ngjeshur i vitit 2025 mund t’i ketë bërë angazhimet e “Masked Singer” të pamundshme me projektet e tjera të saj.
Duke iu referuar markës së saj të kujdesit të flokëve, ylli i “Poison” shkroi: “Cili është plani juaj për 2025? @typebea dhe muzika, të qenurit pjesë e filmave më të këndshëm dhe të kalosh kohë me familjen dhe miqtë dhe të përfitosh sa më shumë nga çdo moment. Ti?”.
Më parë u pretendua nga një burim që Rita – e cila është e martuar me regjisorin Taika Waititi – ishte larguar nga “The Masked Singer” të Britanisë për shkak të një “angazhimi të madh filmik”.
Në sezonet e mëparshme, ylli është zëvendësuar rregullisht nga panelistë të ftuar, duke përfshirë Charlie Simpson të “Busted”, për episodet që ajo nuk mund të ishte pjesë.