Opinione

Regjistrimi i Popullsisë “Made in Kosova”!

By GAZETA SCANNER 1

May 17, 2024

Shkruan: Isa Krasniqj

Ka ditë që botën e internetit dhe mediat në Republikën e Kosovës, i kanë vërshuar fotot dhe videot skandaloze të grumbujve të qytetarëve, nëpër shumë objekte komunale të vendit, për qëllim të regjistrimit, në procesin e Regjistrimit të Popullsisë, Ekonomive Familjare dhe Ndërtesave.

Në aspektin moral dhe të organizimit është turp, është më shumë se marre, që ASK-ja si përgjegjëse kryesore e këtij procesi ta sjellë këtë proces shumë të rendësishëm për vendin, në një katrahurë të tillë.

Në aspektin profesional është tejet e papranueshme që kaq haptas të shkelet:

Ligji i Regjistrimit të Popullsise

Standardet ndërkombëtare të regjistrimit të popullsisë

Konfidencialiteti i të dhënave statistikore

Privatësia dhe të dhënat personale

Udhëzuesi i regjistrimit të popullsisë

Shumë e shumë shkelje të tjera, me të cilat do të merrem herave të tjera.

O njerëz, pyetjet dhe përgjigjet në proces të regjistrimit te popullsisë, janë tejet konfidenciale dhe private personale, ndersa videot dhe fotot gjithandej sallave të ovjekteve komunale, tregojne regjistrimin grupor të cilat cenojnë në mënyrë flagrante, konfidencialitetin, privatësinë dhe sigurinë e të dhënave personale.

Sot, menaxhmenti i lartë i Agjencisë së Statistikave të Kosovës, që sipas ligjit janë përgjegjësit kryesor të Regjistrimit te Popullsisë, në mos dorërheqjeve të parevokueshme, do të duhej të kërkonin falje publike ndaj qytetarëve të Relublikës së Kosovës.

Për cilësinë katastrofale të këtij regjistrimi, do të merrem pas përfundimit të këtij procesi.