Real Madrid i është kthyer fitoreve pas dy barazimeve radhazi, duke triumfuar bindshëm ndaj Celta Vigos.
“Los Blancos” ishin të hatashëm duke e dominuar në të gjitha aspektet Celtan dhe fituar në fund me rezultat 4:0.
Vinicius Junior kaloi Realin në epërsi me një gol nga afërsia pas një tollovie brenda zonës (21’).
Real Madrid kishte edhe disa raste shënimi përmes Rodrygos, por braziliani dështoi t’i finalizonte.
Vicente Guiata dyfishoi epërsinë e madrilenëve pas një devijimi që i bëri topit në përpjekje për ta larguar (79’).
Ndërsa, te goli i tretë i pafat ishte Carlos Dominugez që shënoi tjetër autogol, veçse ky në përpjekje për t’ia ndaluar goditjen e dërgoi brenda rrjetës (88’).
Fitoren e vulosi krejt në fund talenti turk Arda Guler pas asistimit të Dani Ceballos (90+4’), gol që ishte i pari për të në fanellën e klubit më të madh në histori.
Reali vazhdon fuqishëm drejt titullit me 69 pikë të mbledhura, shtatë më shumë se Girona që renditet në pozitën e dytë.