Op/Ed

Ramë Bllaca, heroi kundër shpërnguljes së shqiptarëve!

Shkruan: Jahja Lluka

Me rastin e 84- vjetorit të vrasjes së patriotit Ramë Bllaca, në pritë nga UDB-a serbe më 1937 Politika shoveniste e Beogradit për zbrazjen e trojeve shqiptare nga popullata vendase përmes dhunës sistematike, presionit të madh në të gjitha format, kishin bërë që politikan e udhëheqës së kohës të viheshin kundër kësaj politike shoveniste serbe për shprënguljen e shiptarëve drejt Turqisë. Pjesëmarrja aktive në luftëra dhe ngjarje tjera kundër turqve e serbëve e kishte bërë Ramë Bllacën njërin prej udhëheqësve më të dashur popullor, jo vetëm në rajonin nga vinte, Therandën po edhe më gjerë. Politikan i patundur, me një urtësi dhe intelegjencë të pa shoq, Ramë Bllaca arriti që në 1921, të bëhet deputet për krahinën e tij në kohën e qeverisë së Nikolla Pashiqit.

Më parë kishte kryer edhe pozitën e kryetarit të komunës në Duhël. Për të tani kishte filluar një front i ri, pavarësisht akuzave që i bëheshin herë pa here nga serbët, ai tani kishte krijuar një emër e reputacion të madh në sytë e popullit dhe nuk ishte lehtë të rrënohej. Si i ri aktiv Ramë Bllaca me bashkëpuntorë nuk ishte ndal asnjëher, por me armë në dorë ishte treguarsi një luftëtar i pakompromis por edhe si organizator e udhëheqës i shkëlqyeshëm.

Ai ishte shumë aktiv në luftën kundër serbëve më 1913-1915, pastaj kundër bullgarëve 1915-1918. Të udhëhequr nga ai, luftëtarët shqiptar zhvilluan luftëra të ashpra kundër serbëve e bullgarëve duke iu shkaktuar edhe humbje të mëdha. Fillimi i kolonizimit të Kosovës nga ana e kolonëve serb, nën pretekstin e reformës agrare, pasoi me dëbime dhe shprëngulje masive e që shpesh rezultonin edhe me vrasje të qytetarëve të pafajshëm shqiptar, e gjeti Ramë Bllacën si deputet të Kuvendit të Qeverisë së Nikolla Pashiqit. Ikja e mijëra njerëzve drejt Turqisë ishte e papranueshme për Bllacën.

Ai si deputet duhej doemos të vendosej në krye të 97 lëvizjes kundërshpërnguljes, dhe këtë e nis me një shembull personal, në vlugun e shpërnguljeve, ai thërret qindra mysafir dhe nis ndërtimin e një shtëpie, njerëzit filluan të mendonin ndryshe, filluan të thonin: “Ramë Bllaca nuk është i padijshëm, ta ndërtojë shtëpinë sot e nesër ta lërë shkretë e të shkojë në Turqi. Mos kujdes se i merrni në qafë fëmijët … ju e dini se turqit gjithmonë kan qenë armiq për neetash kur u bënë miq! Kush elëshon vatanin bën mëkat të madh dhe gabim të hatashëm!’’.

Menjëherë pas kësaj ai gjatë punimeve të një seance të parlamentit në Beograd, kur qeveria ia paraqiti parlamentit Konvetën, ai demostroi në mënyrën më të shkëklqyer trimërinë dhe patriotizmin e tij, duke kundërshtuar konventën dhe duke votuar kundër. Por kulmi ishte kur i japin dokumentin ta nënshkruaj, Ramë Bllaca u ngrit në këmbë dhe bërtiti “JO!’’ dhe e grisi dokumentin në mes të parlamentit, në sy të deputetëve: “Jemi në tokën tonë, në të drejtën tonë. Sa mund ta shkulni Kosovën e ta çoni në shkretëtirat e Anadollit, aq mund ta shkulni këtë popull nga kjo tokë e larë me gjak.’’.

Por akti i grisjes së Konventës serbo-turke në parlamentin Jugosllav, Ramë Bllacës i kushtoi me jetë, duke mos mundur ta pranonte këtë akt trimërie e patriotizmi UDB-ja jugosllavo-serbe, kishte planifikuar gjithçka, dhe në orët e mbrëmjessë asaj dite, derisa po kthehej nga Beogradi, në hyrje të fshatit të lindjes së tij Bllaca, fshat i komunës së Suharekës, vritet në pusin e ngritur nga UDBja. Duhet të mos harrohet se në momentet më të vështira dhe të duhura, Ramë Bllaca, gjithnjë e kishte krah të djathtë edhe deputetin tjetër shqiptar, Sherif Vocën nga Mitrovica.

Shoqata për Kthimin e Shqiptarëve të Shpërngulur nga Trojet e Veta, në shenjë nderimi dhe respekti për jetën dhe veprën e patriotit Ramë Bllaca, në fillim të viteve ‘90, në një tubim madhështor ka ngritur bustin e patriotit në fshatin e tij të lindjes në Bllacë, në oborrin e xhamisë së fshatit, kurse me kërkesë të Shoqatës shkollës së fshatit iu vu edhe emri i patriotit Ramë Bllaca. Jeta dhe veprimtaria e tij atdhetare është shumë e gjërë. E shtrirë në shumë dekada, rrezatuese edhe pas vdekjes së tij.

No description available.