Në një letër drejtuar Sekretarit të Shtetit Amerikan, Antony Blinken, Kryeministri shqiptar, Edi Rama, ka shprehur mirënjohjen e tij të thellë për vizitën e fundit të Sekretarit Blinken në Shqipëri më 15 shkurt. Në këtë letër, Kryeministri Rama ka riafirmuar përkushtimin e qeverisë së tij ndaj aleancës me Shtetet e Bashkuara dhe synimet për promovimin e demokracisë, shtetit të së drejtës dhe të drejtave të njeriut.
Rama ka shprehur vlerësimin e tij për vizitën e Sekretarit Blinken dhe për të gjithë ata që kontribuan në organizimin e saj, veçanërisht Ambasadën Amerikane në Tiranë. Ai gjithashtu ka përsëritur angazhimin e palëkundur të qeverisë shqiptare për të mbështetur reformën e shtetit të së drejtës si një bazë kritike për demokracinë shqiptare dhe për luftën kundër korrupsionit.
Në këtë kontekst, Kryeministri Rama ka theksuar rëndësinë e punës së bashku për të reformuar sektorë të tjerë kritikë të shoqërisë, duke përfshirë ndërtimin e një infrastrukture të fortë ligjore dhe institucionale për të përmbushur synimet e integrimit të Shqipërisë në Bashkimi Evropian.
Përpara Samitit të ardhshëm të NATO-s në Uashington, Kryeministri Rama ka siguruar Sekretarin Blinken për angazhimin e palëkundur të Shqipërisë për paqen dhe stabilitetin rajonal.
Në përfundim të letrës, Kryeministri Rama ka rikonfirmuar synimin e Shqipërisë për të pritur Samitin e NATO-s në vitin 2027. Ai ka theksuar se kjo ngjarje do të ishte me rëndësi historike dhe strategjike për rajonin dhe për Aleancën e NATO-s.
Letra ime për Sekretarin Blinken, pas vizitës së tij kuptimplotë në Tiranë🇦🇱🤝🇺🇸 pic.twitter.com/HGOBX8uo6V
— Edi Rama (@ediramaal) February 26, 2024