Qytetarët e Kosovës e kanë merituar liberalizimin e vizave që një kohë të gjatë

Raportuesja për Kosovën në Parlamentin Evropian, Viola von Cramon është deklaruar në lidhje me procesin e liberalizimit të vizave për Kosovën.

Von Cramon përmes një postimi në “Twitter”, ka thënë se qytetarët e Kosovës e meritojnë liberalizimin e vizave për një kohë të gjatë.

Në këtë kontekst, ajo është shprehur e bindur që negociatat ndërmjet Këshillit të BE-së dhe Parlamentit Evropian do të jenë të shpejta dhe do të çojnë në miratim sa më shpejt të jetë e mundur.

“Qytetarët e Kosovës e meritojnë liberalizimin e vizave për një kohë të gjatë. Ne jemi të bindur se negociatat ndërmjet Këshillit të BE-së dhe Parlamentit Evropian si bashkë-ligjvënës do të jenë të shpejta dhe do të çojnë në miratim sa më shpejt të jetë e mundur”, ka shkruar von Cramon.