Në mbledhjen e sotme të Qeverisë së Kosovës u mor vendim për dhënien në shfrytëzim për 15 vite dy prona të kërkuara nga Komuna e Dragashit, të cilat menaxhohen nga Agjencia e Pyjeve të Kosovës.
Kryeministri Albin Kurti tha se kjo kërkesë e komunës ka për qëllim ndërtimin e deponisë së mbeturinave komunale për nevoja të qytetarëve në fshatin Restelicë.
Ndërsa, ministri Administrimit të Pushtetit Lokal, Elbert Krasniqi, tha se pronat e kërkuara nga Komuna e Dragashit janë në dy parcela me sipërfaqe 13 mijë 568 metra.