Rusia ka pranuar përpjekjet nga vende të tilla si Kina, Lindja e Mesme dhe Afrika për të zgjidhur konfliktin në Ukrainë – por fajëson Volodymyr Zelenskyy për luftën e vazhdueshme, sipas një raporti të ri.
Përfaqësuesi i Rusisë në OKB, Genadi Gatilov, theksoi një pengesë të madhe kur ishte fjala për zgjidhjen e konfliktit, raporton agjencia ruse e lajmeve TASS.
“Fatkeqësisht, gjithçka pengohet nga pozicioni i Ukrainës dhe qëndrimi i presidentit të saj, Volodymyr Zelenskyy, i cili, siç e dini, ka nxjerrë një dekret që ndalon çdo negociatë politike me Rusinë për situatën në Ukrainë”, citon TASS të ketë thënë ai.
Gatilov pretendoi se kjo ishte bërë me udhëzime nga mbështetësit perëndimorë dhe shtoi se Rusia mbetet e hapur për dialog.