Trajneri i Kombëtares së Shqipërisë, Sylvinho, në konferencë me gazetarët tha se përballja me Kroacinë do jetë e vështirë, sidomos në pjesën e mesfushës.
Ai shtoi se kundërshtari në mesfushë ka lojtarë të mirë, të cilët përbëjnë dhe zemrën e ekipit të Kroacisë dhe kjo panoramë mbetet një sfidë e hapur për Kombëtaren e Shqipërisë.
“Janë me të vërtetë lojtarët më të mirë aty. Perisiç ka luajtur për Interin dhe ka aftësi shumë të mira dhe këto lojtarë kanë pasur një karrierë shumë të mirë. Kanë cilësi të lartë dhe pasime shumë të larta. Duhet të përgatitemi për sfidën e mesfushës. Mesfusha, aty është zemra dhe kjo do të jetë një sfidë për ne”, tha ai.