Njëri prej mesfushorëve më të mirë shqiptarë, Blerim Xhemaili, ka vendosur t’i jap fund karrierës si futbollit. 37-vjeçari do të largohet nga futbolli aktiv në fund të këtij edicioni, ka njoftuar televizioni zviceran të mërkurën. Xhemaili, që është më prejardhje nga Tetova, është pjesë e Zuerichut.
Me Zuerichun në edicionin e kaluar fitoi titullin e kampionit të Zvicrës. Ai ka pasur karrierë të pasur e shumë të suksesshme.
Është rritur në Zvicër e më pas ka luajtur te Boltoni, Torino, Parma, Napoli, Galatasaray, Genoa, Bologna, Montreal Impact, Shenzheni në Kinë. Prej vitit 2020 është te Zuerichu, klub ku edhe kishte nisur karrierën si senior. Xhemaili prej vitit 2006 e deri në vitin 2020 ka luajtur për Zvicrën. Në 69 ndeshje ka realizuar dhjetë gola.
Pos në Zvicër, Xhemaili ka fituar trofe edhe në Itali dhe në Turqi. Në Itali ka fituar dy kupa me Napolin, ndërsa me Galatasarayn në Turqi ka fituar titullin e kampionit dhe Kupën. Xhemaili ka luajtur në nivelin profesional për më shumë se 20 vjet.