Ish-ylli i Chelseat, Michael Ballack ka kërcënuar me veprime ligjore për raportet e rreme se partnerja e tij 23-vjeçare ishte ish e dashura e djalit të tij të ndjerë i cili ndërroi jetë tragjikisht në moshën 18-vjeçare në një aksident me biçikletë. 48 vjeçari ka paralajmëruar se do të ndjekë veprime ligjore për këto lajme të rreme.
Ish-mesfushori i Chelseat besohet se është afruar me Sophia Schneiderhan pasi djali i tij, Emilio, vdiq në moshën 18-vjeçare në një aksident fatal me biçikletë në Lisbonë në vitin 2021. Emilio ishte në mesin e tre djemve të Ballack me ish-gruan e tij Simone Lambe. Dyshja u martuan në vitin 2008, por tashmë ishin bashkë për një kohë të gjatë, duke mirëpritur fëmijën e tyre të parë shtatë vjet më parë. Ata u divorcuan në vitin 2012.
Ish-futbollisti gjerman, i cili bëri 98 paraqitje për vendin e tij, është parë me Schneiderhan në publik dhe ka postuar foto në rrjetet sociale. Por raportimet e fundit që sugjerojnë se modelja kishte dalë më parë me djalin e Ballack e kanë shtyrë ish-yllin e Bayern Munichut të kërcënojë me veprime ligjore kundër atyre që vazhdojnë të bëjnë pretendime të tilla.
Në mbishkrimin e një fotoje të çiftit në Instagram, gjermani tha: “Për shkak të raportimeve të fundit në media, ndihem i detyruar të bëj sqarimin e mëposhtëm. Partnerja ime e jetës Sophia nuk është as ish e dashura e djalit tim të ndjerë dhe as nuk ka qenë shoqe me të. Ne do të ndërmarrim veprime ligjore kundër këtyre të pavërtetave dhe do të kërkojmë që të respektoni privatësinë tonë”.