Paris Hilton ka folur së fundmi hapur për diagnozën e saj me çrregullimin e hiperaktivitetit me deficit të vëmendjes (ADHD). Në një rrëfim përTeen Vogue”, 43-vjeçarja, reflektoi mbi vështirësitë me simptomat e ADHD-së, para se të merrte diagnozën e saj përfundimtare.
Gjatë rritjes, gjithmonë më thoshin që isha shumë energjike, shumë e shpërqendruar. Nevoja ime e përhershme për stimulim, e kombinuar me një sistem arsimor që nuk i përshtatej mënyrës sime natyrore të të mësuarit, përfundimisht më çoi në ambiente ku kaloja kohë me adoleshentët problematikë në industrisë.
Hilton më parë ka folur se si rebelimi i saj si adoleshente e bëri që prindërit ta dërgonin në një seri institucionesh dhe programesh trajtimi për fëmijë me probleme të sjelljes, varësi dhe çështje të shëndetit mendor. Në moshën 17-vjeçare, ajo kaloi 11 muaj në shkollën Provo Canyonnë Utah, ku pretendon se u abuzua seksualisht. Duke kujtuar atë periudhë të jetës së saj, Hilton shkroi:
Do të doja që dikush të kishte pyetur, ‘Çfarë po ndodh vërtet me të?’ Përkundrazi, kalova vite duke u ndjerë e keqkuptuar, duke u ndëshkuar për mënyrën se si funksiononte truri im. Më vonë zbulova se kisha ADHD.
Hilton theksoi se ADHD shpesh është një “luftë e heshtur” për vajzat dhe gratë, të cilat sipas studimeve shpesh mbeten pa diagnozë.
Në fillim, të diagnostikohesha më dukej si një etiketë, si diçka që më kufizonte, duke më përkufizuar nga ajo që nuk mund të bëja, nga ajo që më bënte të ndryshme. Ishte diçka që më dukej e nevojshme ta fshehja, duke u shqetësuar se si mund të perceptohej. A do mendonin njerëzit që isha shumë e shpërndarë, shumë e paqëndrueshme ose e paaftë për sukses? Por ato sfida janë vetëm një anë e medaljes. Ana tjetër zbulon diçka të bukur; krijimtari, pasion, qëndrueshmëri dhe një mendje që mendon në mënyra të guximshme e të papritura. ADHD nuk është një kufizim, është një superfuqi. Është arma ime sekrete në një botë që shpesh na thotë të luajmë të sigurt.
Paris Hilton, një nga figurat më të njohura të botës së showbizit, është një modele, këngëtare dhe sipërmarrëse. E famshme për statusin e saj në media dhe për jetën e saj të shndritshme, Hilton është gjithashtu nënë e një djali të vogël, Phoenix. Pas publikimit të disa fotove të djalit të saj në rrjetet sociale, ajo ka marrë një sërë komentesh negative që e kanë shqetësuar thellë.
Trashëgimtarja miliardere po bën një qasje ndryshe me familjen e saj. Në intervistën e fundit, ylli dhe këngëtarja e njohur televizive zbuloi zgjedhjen e qëllimshme për të mbrojtur fëmijët e saj të vegjël, Phoenix dhe Londrën, nga sytë e publikut. Ylli e ka kaluar jetën e saj në qendër të vëmendjes, por kjo gjë nuk i pëlqen për fëmijët. Ajo preferon që vogëlushët e saj të mos jenë të dhënë pas famës dhe jeta e tyre të jetë e thjeshtë dhe e bukur.