Parashikimi brutal i Jose Mourinho-s për garën për titull duket se po bëhet i vërtetë pas një fundjave me surpriza në Premier League.
Arsenal-i dhe Liverpool-i ishin së bashku në krye të tabelës së Premier League në fillim të fundjavës, por të dielën në mbrëmje ata e gjetën veten pas kampionit në fuqi, Manchester City.
Pasi City mposhti Luton Town 5-1 të shtunën, Liverpool pësoi një humbje shokuese 0-1 ndaj Crystal Palace në “Anfield”.
Skuadra e Jurgen Klopp nuk kishte humbur asnjë ndeshje në shtëpi për më shumë se një vit.
Kjo i dha Arsenal-it mundësinë për të dalë në krye të grupit, por edhe ata rrëshqitën në shtëpi. Skuadra e Mikel Arteta-s u mund 0-2 nga Aston Villa që po ndjek rrugën për në Champions League.
City tani kryeson tabelën me 73 pikë, dy më shumë se Arsenal-i dhe Liverpool-i me gjashtë ndeshje të mbetura për të luajtur.
Arsenal-i ishte në formë perfekte për muajt e parë të 2024-ës, kështu që humbja e së dielës do të jetë një surprizë për shumëkënd.
Ata janë ende në garën për titull, por parashikimi i Jose Mourinho-s duket se ka një shans të mirë për t’u realizuar.
Gjatë paraqitjes së tij në “The Obi One Podcast” në fillim të këtij viti, Mourinho-s iu kërkua të zgjidhte fituesin e titullit.
“Man City 51 për qind dhe Liverpool 49 për qind”, u përgjigj ish-trajneri i Chelsea-t dhe Manchester United.
Kur u pyet për Arsenal-in, ai thjesht u përgjigj: “Nah!” (diçka e ngjashme me jo).
Në ndeshjet e mbetura të sezonit në Premier League, Man City do të përballet me Brighton, Forest, Wolves, Fulham, Tottenham dhe West Ham.
Arsenal-i do të ketë përballë emra si Wolves, Chelsea, Tottenham, Bournemouth, Manchester United dhe Everton.
Liverpool-i do të përballet me Fulham, Everton, West Ham, Tottenham, Aston Villa dhe Wolves.