Presidentja Vjosa Osmani ka bërë një postim në rrjetin social Facebook lidhur me Ukrainën.
Teksa po qëndron në Dubrovnik të Kroacisë për Samitin Ukrainë-Evropë Juglindore, e para e shtetit tha se ashtu siç dështuan në Kosovë, forcat barbare do të dështojnë edhe në Ukrainë.
Më tutje, presidentja thotë se Kosova do të vazhdojë ta mbështesë të drejtën e popullit ukrainas për liri, sovranitet dhe integritet territorial deri në fitore, njofton Klankosova.tv.
“Agresori nuk duhet asnjëherë të shpërblehet me tokën e viktimës! Ashtu siç dështuan në Kosovë, Kroaci, Slloveni e Bosnje-Hercegovinë, forcat barbare do të dështojnë edhe në Ukrainë. Liria dhe demokracia gjithmonë do të triumfojnë! Dje, para liderëve të tjerë në Samitin Ukrainë-Evropë Juglindore në Dubrovnik, theksova se mësimet e së kaluarës na kujtojnë se akomodimi i agresorëve nuk sjellë kurrë paqe të qëndrueshme. Solidariteti ynë për popullin e Ukrainës është i rrënjosur thellë në vet përvojën e dhimbshme të popullit tonë. Prandaj, do të vazhdojmë të mbështesim të drejtën e popullit ukrainas për liri, për sovranitet dhe integritet territorial. Deri në fitore”, shkruan Osmani