Mediumi serb “Kosovo Online” ka raportuar se Njësia Speciale e Kosovës është duke kryer një aksion në ambienet e një fabrike në Zubin Potok.
Sipas këtij mediumi, bëhet fjalë për fabrikën e veglave “Lola”, ku raportohet se në këtë aksion të Policisë së Kosovës kanë qenë rreth 50 policë.
Ndërkaq, mediat raportojnë se kjo fabrikë është e boshatisur dhe nuk punon prej vitesh.
Për momentin nuk dihet se çfarë po kërkon policia dhe tashmë një aksion të ngjashëm ka kryer edhe në këtë fabrikë. Po ashtu për këtë aksion raportojnë edhe mediat lokale serbe.