Agjencia qeveritare e Britanisë përgjegjëse për trajtimin e urgjencave të shëndetit publik, ka njoftuar se një gabim në një laborator testimi ka informuar gabimisht dhjetëra mijëra njerëz që rezultuan pozitivë për Covid-19 se ishin negativ, duke humbur jetën ndoshta deri në 20 njerëz.
Britania ka një nga numrat më të lartë të vdekjeve nga koronavirusi në botë – më shumë se 177 mijë që nga fillimi i pandemisë në vitin 2020.
Shumë ekspertë thanë se programi i gjurmimit të kontakteve, ishte shumë më i ulët se sistemi mbarë botëror që qeveria kishte premtuar.
Një hetim nga Agjencia e Sigurisë Shëndetësore në Britani të Madhe (UKHSA), zbuloi se laboratori Immens në pjesën qendrore të Anglisë raportoi gabimisht rreth 39 mijë teste si negative, kur ato duhet të ishin pozitive, midis 2 shtatorit dhe 12 tetorit të vitit të kaluar.
Shkaku i gabimeve ishte vendosja e gabuar e niveleve të pragut për raportimin e rezultateve pozitive dhe negative të mostrës PCR për Covid-19, u tha nga UKHSA në një raport pas përfundimit të hetimit.
Sipas mediave të huaja, transmeton Telegrafi, si rezultat, shumë vazhduan jetën e tyre të përditshme dhe nuk u izoluan edhe pse ishin të infektuar me Covid.
UKHSA tha se gabimet mund të kishin rezultuar deri në 55 mijë infeksione shtesë, në zonat ku u raportuan negativë të rremë.
Immensa Health Clinic, kompania private që drejton laboratorin, u krijua në maj 2020 dhe fitoi kontrata me vlerë 203.6 milionë dollarë për të përpunuar rezultatet e testit PCR. Dante Labs, pronari i Immense, nuk iu përgjigj menjëherë një kërkese për koment.