Rreth 1 milion njerëz janë prekur nga përmbytjet e mëdha në qytetin verilindor të Nigerisë, Maidguri, tha të mërkurën një zyrtar qeveritar.
Babagana Zulum, guvernatori i shtetit Borno, u tha gazetarëve se vlerësimi bazohej në vlerësimin paraprak të kryer nga qeveria pasi përmbytja goditi Maiduguri të martën dhe shkaktoi shkatërrim, më i keqi në tre dekada.
“Përmbytjet mbuluan një të tretën e qytetit, duke prekur mbi 1 milion njerëz. Është shumë shkatërruese,” u tha Zulum gazetarëve ndërsa shpërndante para dhe ushqim për mijëra persona të zhvendosur në një kamp.
Ai tha se mbi 100,000 njerëz janë të zhvendosur, edhe pse përpjekjet e kërkim-shpëtimit vazhdojnë.
“Ne po shpërndajmë para dhe ushqim për kryefamiljarët si masë e përkohshme për të zbutur ndikimin,” tha ai, duke shtuar se qeveria planifikon të krijojë një ekip shëndetësor për të përgatitur reagimin për emergjencat e mundshme pas zvogëlimit të ujërave.
Ai fajësoi gjithashtu shembjen e një dige në periferi të qytetit dhe vërshimin e ujit të lëshuar nga vendet fqinje afrikane të Nigerit dhe Kamerunit për situatën.