Presidenti amerikan, Joe Biden është përballur me thirrje të shumta, që të tërhiqet nga gara presidenciale, për shkak të gjendjes së tij shëndetësore, por ai e ka refuzuar diçka të tillë.
Donatori më i madh i Biden, Future Forward ka vendosur që të ngrijë fondin prej 90 milionë dollarësh për fushatën elektorale të presidentit, shkruan The New York Times.
Sipas medias amerikane, fondi nuk do të jepet, për sa kohë Biden vazhdon të garojë për postin e presidentit në zgjedhjet e nëntorit.
Vendimi i Future Forward është një nga shembujt më konkretë të pasojave nga performanca e dobët e debatit të Biden në fund të qershorit, kundër ish presidentit Donald Trump.