Nexhat Fazliu, i pezulluar nga puna si udhëheqësi i divizionit për Koordinim Rajonal në Mitrovicë në Inspektoratin Qendror të Punës, ka publikuar mesazhe me kryeinspektorin e Inspektoratit të Punës, Hekuran Nikçi, i emëruar kundërligjshëm në këtë pozitë nga qeveria e drejtuar nga Albin Kurti.
Fazliu ka akuzuar se kryeinsepktori Nikçi, i cili vazhdon ta mbajë këtë pozitë pavarësisht se në aktgjykimin e Gjykatës së Apelit është konfirmuar vendimi fillestar i Themelores që konstaton se Këshilli i Pavarur Mbikëqyrës për Shërbimin Civil të Kosovës nxori vendim të drejtë se emërimi i tij ishte bërë në mënyrë të kundërligjshme, ka urdhëruar të largohen nga zyra e tij fotografitë e familjes së tij dëshmorë, të babait dhe familjarëve të tjerë dëshmorë, si dhe fotografia e Komandantit Legjendar Adem Jashari.