Kryeministri izraelit, Benjamin Netanyahu ka udhëzuar ushtrinë që të planifikojë “evakuimin e popullsisë” nga Rafah së bashku me humbjen e Hamasit në atë qytet jugor të Gazës, tha zyra e tij në një deklaratë të premten.
Më shumë se 1.3 milionë njerëz besohet të jenë në Rafah, shumica e të zhvendosurve nga pjesë të tjera të Gazës, sipas Kombeve të Bashkuara, shkruan CNN.
Netanyahu tha të enjten se Forcat Mbrojtëse të Izraelit do të “shkojnë së shpejti në Rafah, bastionin e fundit të Hamasit”.
Në deklaratën e lëshuar të premten, zyra e kryeministrit izraelit tha se nuk ishte e mundur të eliminohej Hamas dhe të liheshin “katër batalione të Hamasit në Rafah”.
“Nga ana tjetër, është e qartë se një operacion masiv në Rafah kërkon evakuimin e popullatës civile nga zonat e luftimit”, shtoi ai.
“Kjo është arsyeja pse kryeministri udhëzoi IDF-në dhe strukturat e mbrojtjes që të sillnin në kabinet një plan të dyfishtë si për evakuimin e popullsisë ashtu edhe për shpërbërjen e batalioneve.”
Rafah është qendra e fundit e madhe e popullsisë në Gaza që nuk është e pushtuar nga IDF-ja.