Shefi i NATO-s, Jens Stoltenberg do t’u kërkojë aleatëve të zotohen se çdo vit do të ndajnë 40 miliardë euro ndihmë ushtarake për Ukrainën, ka thënë një burim brenda aleancës për agjencinë e lajmeve Reuters.
Financimi do të mbështeste të paktën nivelet aktuale të mbështetjes ushtarake që kanë siguruar aleatët, shkruan Sky News.
“Ne duhet ta mbajmë atë nivel aktual të mbështetjes në minimum për të siguruar parashikueshmërinë që i nevojitet Ukrainës, për aq kohë sa është e nevojshme”, tha burimi i NATO-s.
Ai ka shtuar se aleatët kishin ndarë rreth 40 miliardë euro në vit që nga pushtimi i plotë i Ukrainës nga Rusia në vitin 2022.