Kryetari i Partisë Social Demokrate, Dardan Molliqaj ka reaguar pas dështimit të referendumit “për ose kundër” shkarkimit të kryetarëve në komunat veriore.
“Referendumi në komunat e veriut dështoi. Bashkë me të u vërtetua që sovraniteti politik i qeverisë tonë në atë pjesë është zero. Tri vite “dialog” përmes njësive speciale policore, vetëm sa i bashkoi serbët kundër institucioneve të Kosovës. Sot, edhe më shumë se në zgjedhjet e fundit lokale atje, serbët e refuzuan totalisht procesin. Ata dëgjuan Listën Serbe, e jo institucionet tona”, ka shkruar Molliqaj.
Ai ka shtuar se “taktikat e Kurtit na kanë sjellë marrëveshje katastrofale”.
“Ky tension i tri viteve e ka bërë Asociacionin, Superzajednicë. Taktikat e Kurtit na kanë sjellë marrëveshje katastrofale. Në veri kemi kryetar me 200 vota, e në Kosovë kemi sanksione, izolim dhe stagnim. Kësaj marrëzie duhet t’i japim fund”, ka shtuar ndër të tjera Molliqaj.