Analisti dhe gazetari Ilir Mirena thotë se opozita është e ftuar në organizmin e Ambasadës Amerikane në Kosovë për një diskutim lidhur me Asociacionin e komunave me shumicë serbe.
Mirena në emisionin ‘Pressing’ në T7 thotë se në këtë takim janë ftuar LDK, PDK E AAK.
“Informacionet tona thonë që edhe opozita është e ftuar aty, bile na kanë konfirmu disa prej tyre. Prej partive më kryesore që janë në parlament. LDK, PDK e AAK janë të ftuar në atë takim”, thotë Mirena.
Kujtojmë se në një përgjigje për Gazetën Express, Ambasada amerikane ka thënë se qëllim i diskutimit është që të rritet avancimi në kuptimin reciprok për çështjen e Asociacionit.
Krejt kjo, sipas ambasadës amerikane, për ta mbështetur dialogun e lehtësuar nga Bashkimi Evropian ndërmjet Kosovës dhe Serbisë.