Pas vizitës zyrtare në Kosovë, ministri për Evropë dhe Punë të Jashtme i Shqipërisë, Igli Hasani, ka shkuar edhe në Maqedoni të Veriut.
Ai, me anë të postimi në platformën X, sot ka bërë të ditur se është takuar me kryetarin e Kuvendit të Maqedonisë së Veriut, Talat Xhaferi.
“Me kryetarin e Kuvendit ,Talat Xhaferi, i cili do të jetë kryeministri i parë shqiptar i Maqedonisë së Veriut. E sigurova për mbështetjen time personale dhe të Shqipërisë në këtë detyrë që ai merr së shpejti”.
“Ne mbështesim dhe inkurajojmë vazhdimin e përpjekjeve dhe arritjeve të Maqedonisë së Veriut për ndërtimin e një shoqërie funksionale multietnike të bazuar në zbatimin e plotë të Marrëveshjes Kornizë të Ohrit dhe të Ligjit të Gjuhëve”, ka shkruar Hasani.