Zyrtarët e Minesotës në ShBA miratuan të enjten planet për zgjerimin e një projekti të energjisë diellore që një ndërmarrje thotë se do të jetë një nga më të mëdhenjtë në vend me aftësinë për të shërbyer më shumë se 150 mijë shtëpi.
Komisioni Shtetëror i Shërbimeve Publike miratoi zgjerimin e projektit Sherco Solar nga Xcel Energy, duke shtuar një grup prej 250 megavatësh në një grup prej 460 megavatësh që tani është në ndërtim e sipër. Kompania thotë se të gjitha fazat e projektit do të përfundojnë deri në vitin 2025.
Zgjerimi do të kushtojë rreth 406 milionë dollarë, duke e çuar investimin total të Xcel në projekt në më shumë se 1 miliard dollarë. Projekti i përgjithshëm 710 megavat do të jetë i mjaftueshëm për të furnizuar me energji më shumë se 150,000 shtëpi në vit.
Gjenerimi diellor do të jetë pranë një uzine ekzistuese me qymyr. Kur të përfundojë, energjia e re do të zëvendësojë energjinë elektrike të prodhuar nga një central me qymyr që do të mbyllet më vonë këtë vit.
Xcel planifikon të mbyllë tre fabrikat e saj me qymyr në Becker deri në vitin 2030.