9.3 C
New York
Thursday, March 28, 2024

Buy now

Milaim Zeka lirohet nga akuza për incizimin fshehurazi të të dëmtuarës

- Advertisement -

Gjykata Themelore në Prishtinë, të mërkurën ka shpallur aktgjykim lirues ndaj Milaim Zekës, i akuzuar për veprën penale “Fotografimi dhe incizimet tjera të paautorizuara” ndaj të dëmtuarës B.D.

Prokuroria Themelore në Prishtinë e ngarkonte Zekën se pa autorizim e ka incizuar fshehurazi të dëmtuarën B.D në një restorant në Prishtinë, derisa kjo e fundit kishte kërkuar nga ai që mos ta përmend djalin e saj në shkrimet e tij apo kudo tjetër. Por më pas, në aktin akuzues thuhet se i akuzuari atë incizim ia kishte kaluar personave të tretë.

Aktgjykimi ndaj të akuzuarit Zeka u shpall të mërkurën, nga gjykatësi Sabit Sadikaj, raporton “Betimi për Drejtësi“.

Sipas gjykatësit Sadikaj, i akuzuari lirohet nga akuza pasi nuk është vërtetuar se i njëjti ka kryer veprën penale për të cilën ngarkohej.

Pala e dëmtuar është udhëzuar në kontest civil.

Ndryshe, aktakuza e siguruar nga “Betimi për Drejtësi” rezulton të jetë ushtruar në gjykatë më 18 mars 2021. 

Sipas aktakuzës së ngritur nga Prokuroria Themelore në Prishtinë, Milaim Zeka akuzohej se më 18 maj 2017, në rrugën “B”, në restorantin “Fshati” në Prishtinë, pa autorizim ka incizuar tani të dëmtuarën B.D dhe se këtë incizim ua ka shpërndarë personave të tretë.

Me këto veprime, Prokuroria Themelore në Prishtinë e akuzonte Milaim Zekën se ka kryer veprën penale “Fotografimi dhe incizimet tjera të paautorizuara”, nga neni 205, par. 2, lidhur me par 1 të KPRK-së. /BetimipërDrejtësi

Shënim: Personat e përmendur në këtë artikull konsiderohen të pafajshëm, përveç nëse nga gjykata vërtetohet se janë fajtorë me vendim të formës së prerë.

Të ngjashme

111,400FansaPëlqeje
12,000NdjekësitNdjek

Të fundit