Dejona Mihali, koordintaore e Komiteteve në Lëvizjen Vetëvendosje, ia ka kushtuar një status të gjatë Lumir Abdixhikut, kryetar i LDK-së.
Në shkrimin e saj, Mihali ka bërë disa akuza, përfshirë një për “sekserllëk” për “shitjen e shtëpive” te “Marigona”.
Tutje, Mihali ka akuzuar Abdixhiku për “përpjekjen” për “mbështetje okulte nga Shkëlqim Devolli dhe instrumentet e tij”.
“Abdixhiku paska folur për t’ju kthyer traditës. Cilës traditë se? Me siguri traditës së pazareve për koalicione me PDK-në dhe Listën Serbe. Po ashtu e djathta asgjë nuk ka të bëj me Lumir Abdixhikun e enturazhin e tij. Sepse e djathta asnjë lidhje nuk e ka me tyxharët. Të djathtë nuk të bën sekserllëku për shitjen shtëpish te biznesi i çunave te ‘Marigona’. E aq më pak përpjekja për mbështetje okulte nga Shkëlqim Devolli e instrumentet e tij.” – ka shkruar Mihali, ndër të tjera.