Kontrollorët modern të lojërave janë tejet cilësore dhe rezistent ndaj dëmtimeve përsa kohë janë origjinale. Por gjithashtu janë të kushtueshëm dhe kur një i tillë thyhet, kushton mbi 70 dollarë për tu zëvendësuar.
Për fatin e mirë të përdoruesve Microsoft ka vendosur tu ofrojë përdoruesve harduerë për riparimin e kontrollorëve Xbox.
Një strategji të tillë kompania po ndjek prej disa javësh me laptopët dhe tabletët Surface. Harduerët e riparimit do të ofrohen për modelin standard të Xbox dhe Elite Wireless Controller Series 2 ku do të shiten butonë, mbrojtëse plastike, qarqe e madje motorë dridhje.
Çmimet variojnë sipas pjesëve nga 20 deri në 50 dollarë. Mbi të gjitha secila pjesë ka një lidhje me udhëzime për riparim nga manuele tek video për të dy kontrollorët.
Do të duhen ca vegla bazike si ato të iFixit por asgjë ekzotike të cilën nuk mund ta gjeni. /PCWorld Albanian/