Blerim Gashi, analist në Kanal 10, njihet për zbulime interesante në debatin publik. Pas togfjalëshit “degazhim i debatit”, Gashi tash ka ardhur edhe me një “zbulim” të ri.
Më saktë, ai ka “zbuluar” një folje të re. “Negociatu” është deformimi i ri i Gashit, i cili gjatë debatit me deputetit e VV-së, Arbër Rexhaj, tha se Besnik Bislimi, kryenegociator i Kosovës, shkon me “negociatu” në Bruksel.
“Jo, jo, Arbër, jo në kokë në vete, është një dokument konkret shtetëror, që kur e dërgon negociatorin tënd i jep plotfuqishmëri kryeministri ose parlamenti, presidentja për vendimet që duhet ai t’i merr, se po shkon me negociatu, jo në kokë në vete” – tha ai, ndërsa ka pasur edhe kritika ndaj pushtetit.