Kryetari i Preshevës, Shqiprim Arifi, ka bërë të ditur se të gjithë maturantët që pësuan aksident sot në Kosovë janë kthyer pranë familjeve të tyre.
Ai tha se maturantët e Shkollës së Mesme Teknike “Presheva”, tashmë ndodhen në shtëpi.
“Shqetësimi që kishim për ta tashmë u lehtësua sepse të gjithë janë mirë dhe pranë familjeve të tyre. Zoti i ruajt, çdoherë”, shkroi Arifi, transmeton Klankosova.tv.
Kujtojmë se mesditën e sotme, në një aksident të ndodhur në mes një kamioni, autobusi që po bartte maturantë nga Presheva dhe një veture, mbeten të lënduar 30 persona.
Prej 30 të lënduarve, 13 morën tretman mjekësor në QKUK, ku shtatë prej tyre ishin nxënës, e të cilët menjëherë u liruan për në shtëpi.