Drejtori i përgjithshëm i Shakhtar Donetsk, Sergiy Palkin, ka konfirmuar se Manchester City është i interesuar për të nënshkruar me Georgiy Sudakov.
21-vjeçari ukrainas ka pasur një formë të shkëlqyer që nga fillimi i sezonit 2024-25, duke kontribuar me nëntë gola në 11 ndeshje në të gjitha garat.
Performanca e tij në fushë ka tërhequr interesin e kampionëve në fuqi të Premier League, Manchester City, siç ka konfirmuar Palkin.
City është në kërkim të një opsioni cilësor në mesfushë dhe pritet të rikthehet në tregun e transferimeve në janar, pas dëmtimit të Rodri-t, i cili pësoi një dëmtim të ACL gjatë një ndeshjeje në Premier League kundër Arsenalit, që e la atë jashtë për pjesën tjetër të sezonit.
Duke folur për GOAL dhe SPOX, Palkin tha: “Manchester City është i interesuar për të, dhe edhe klube të tjera nga Anglia po e ndjekin atë. Jam i sigurt se disa klube do të bëjnë oferta për të gjatë tregut të transferimeve”.
Ai gjithashtu zbuloi se Shakhtar ishte shumë afër shitjes së Sudakovit gjatë verës, por marrëveshja nuk u realizua.
“Gjashtë muaj më parë negociuam një transferim me SSC Napoli, por ajo nuk doli ashtu siç e prisnim”, shtoi Palkin, raporton Goal.com.
Pas një fitoreje dramatike ndaj Wolves në Premier League javën e kaluar, City tani do të përqendrohet në Ligën e Kampioneve, duke përballur Slavia Praha në shtëpi të mërkurën (sot)