Liverpool ka shënuar fitore bindëse në shtëpi ndaj Norwich Cityt, për t’u kualifikuar në çerekfinale të FA Cupit.
“Reds” ishin fantastik nga fillimi, duke triumfuar me rezultat bindës 5:2.
Mesfushori Curtis Jones kaloi Liverpoolin në epërsi pas asistimit perfekt të McConnell (16’).
Mysafirët u kthyen shpejtë në lojë, duke barazuar rezultatin përmes Gibson që realizoi pas asistimit të Saras (22’).
Megjithatë, Liverpool e mori sërish dominimin me një gol perfekt të Darwin Nunez, që tundi portën pas asistimit të të riut Bradley (28’).
Liverpool vazhdoi të dominonte edhe në pjesën e dytë, me Diogo Jotan që shënoi golin e tretë pas një topi të kthyer (53’).
Për golin e katërt pastaj u përkujdes qendërmbrojtësi Virgil van Dijk pas harkimit të Szoboszlait (63’).
E tëra që bëri Norwich City ishte goli i dytë dhe njëkohësisht i fundit përmes Sainz, që realizoi një eurogol nga distanca (69’).
Kurse, fitoren e vulosi mesfushori Ryan Gravenberch në kohën shtesë (90+5′).
Kësisoj, Liverpool në çerekfinale do të përballet me fituesin e ndeshjes Watford – Southampton.