Barcelona ka regjistruar fitoren e tretë radhazi në La Liga.
Në ndeshjen e vlefshme për javën e katërt, skuadra e drejtuar nga Xavi fitoi në udhëtim ndaj Osasuna.
Ndeshja e zhvilluar sonte në stadiumin “El Sadar” përfundoi me rezultatin 1:2.
Jules Kounde (45+1’) dhe Robert Lewandowski (86’ nga penalltia) shënuan golat e fitores për “Blaugranët”.
Golin e vetëm për skuadrën vendase e shënoi Chimy Avila (76’).
Vlen të theksohet se te katalonasit debutuan sonte dy përforcimet e verës, Joao Felix dhe Joao Cancelo. Felix luajti nga minuta e 80-të, kurse Canceloa nga minuta e 59-të.
Barcelona pas kësaj fitore ka 10 pikë dhe renditet në pozitën e tretë në tabelë, me pikë të njëjta me Gironan dhe me dy pikë më pak se lideri, Real Madridi.
Osasuna ka gjashtë pikë dhe ndodhet në pozitën e 10-të.