Kryeministri Albin Kurti ka publikuar disa shifra që tregojnë se komunat me shumicë serbe në Kosovë kanë marrë më shumë buxhet në përgjithësi sesa komunat tjera me shumicë shqiptare. Ai tha se në gjashtë komunat me shumicë serbe në jug të Kosovës është parë një investim më i mirë për qytetarët e këtyre komunave krahasuar me katër komunat veriore.
Për këtë, Kurti tha se komuniteti ndërkombëtar duhet të kërkojë përgjegjësi nga Serbia që po i privon katër komunat në veri nga përfitimet.
“Dhjetë komuna me shumicë serbe në Kosovë kanë marrë mesatarisht 62% më shumë buxhet (në tërësi) për kokë banori, si dhe 89% më shumë në shpenzime kapitale për kokë banori se 28 komunat e tjera, 27 prej të cilave janë me shumicë shqiptare. Këtë e tregojnë të dhënat e Departamentit të Buxhetit të Ministrisë së Financave të Kosovës nga 14 vitet e fundit (’08-’22). Kur është fjala për shfrytëzimin e buxhetit, 6 komunat me shumicë serbe në jug të Kosovës relativisht të integruara kanë performuar vazhdimisht më mirë se 4 komunat në veri”, ka shkruar Kurti në Twitter.
Kurti tha se politikanët serbë dhe udhëheqësit komunalë në 6 komunat jugore ishin të gatshëm dhe në gjendje të planifikonin, siguronin dhe zbatonin më shumë infrastrukturë arsimore, shëndetësore dhe transporti për qytetarët e tyre sesa 4 komunat në veri.
“Komuniteti ndërkombëtar duhet të kërkojë llogari nga Qeveria e Serbisë për privimin e këtyre 4 komunave veriore nga zhvillimi i duhur. Shtrëngimi ndaj qytetarëve vendas nëpërmjet një grushti kriminelësh të listës së zezë të Thesarit të SHBA-së, që udhëhiqen nga paratë, narkotikët dhe trafikantët e armëve, duhet të dënohet publikisht”.
The int’l community should hold Serbia's Govt accountable for depriving these 4 northern municip. of proper dev. Its coercion of local citizens via a handful of criminals, led by US Treasury-blacklisted money, narcotics, and weapons traffickers, should be publicly condemned.
— Albin Kurti (@albinkurti) February 7, 2023