Kryeministri i Kosovës, Albin Kurti ka mirëpritur në zyrën e tij një delegacion nga Bosnja dhe Hercegovina, të cilëve Kurti u ka mirëseardhje, duke theksuar rëndësinë e mbajtjes së kujtimit të të kaluarës për të nxjerrë mësime për të ardhmen.
Zyra e Kryeministrit ka njoftuar se ky delegacioni i dhuruan kryeministrit simbolin e Lules së Srebrenicës.
“Delegacioni përfshinte personalitete të shquara si Shemsudin Mehmedovic, deputet në Kuvendin e Bosnjës dhe Hercegovinës, si dhe artistin e njohur nga Sarajeva, Mensur Kadric, autor i lulës për Srebrenicën, së bashku me përfaqësues të organizatave joqeveritare të komunitetit boshnjak të Kosovës”.
“Delegacioni nga Bosnja dhe Hercegovina vizitoi shtetin tonë për të marrë pjesë në ceremoninë e përkujtimit të gjenocidit në Srebrenicë, të organizuar nga kabineti i zëvendëskryeministres Emilija Rexhepi”.
“Kjo ngjarje jo vetëm që solli në vëmendje rëndësinë e kujtimit të viktimave por gjithashtu shërbeu si mundësi për forcimin e lidhjeve ndërkombëtare dhe solidaritetit mes komuniteteve të Kosovës dhe Bosnjës dhe Hercegovinës. Delegacioni nga Bosnja dhe Hercegovina i dhuruan kryeministrit simbolin e Lules së Srebrenicës, një nga 8372 sosh të punuara në filigran dhe një flamur kombëtar boshnjak”, thuhet tutje në komunikatë.