Lajmest-slider

Kurti: LDK e kërkoi, por nuk e tregoi kandidatin për president

Kryetari i Lëvizjes Vetëvendosje , Albin Kurti, ka thënë se po i kërkohet nga LDK-ja që të mbështesë kërkesën e tyre për postin e presidentit pa e ditur se kush do të jetë ai.

“Po më kërkohet një pëlqim blanko. Më kanë kërkuar postin por nuk më kanë treguar kush është ai”, ka thënë Kurti, teksa ka folur te “Jeta në Kosovë” në “RTK”.

“Asnjë nga tre anëtarë e kryesisë së LDK-së nuk e kanë pranuar se duan të bëhen president”, ka shtuar ai.

LDK dhe LV janë në fazën e fundit të lidhjes së marrëveshjes për koalicion qeverisës. Grupet punuese të të dy subjekteve kanë krijuar një program të përbashkët qeverisës dhe tani ka mbetur vetëm ndarja e posteve në qeveri.

Kryetarët e dy subjekteve janë marrë vesh që të takohen gjatë ditëve në vijim për të lidhur një marrëveshje para kostituimit të Kuvendit.

Presidenti Hashim Thaçi  e ka caktuar datën 24 dhjetor për mbledhjen e parë të legjislaturës së re.