Në rolin e magjistarit të “Harry Potter” është e vështirë të imagjinohet ndonjë aktor tjetër përveç se Daniel Radcliffe dhe ky pati shumë konkurrencë gjatë audicioneve. Ylli i “Mad Max: Fury Road”, Nicholas Hoult, ka konfirmuar në një intervistë të re se ai ishte një nga zgjedhjet kryesore për rolin më të kërkuar në fillim të viteve 2000. Ai ishte i ftuar në podcastin “Happy Sad Confuser” javën e kaluar, ku zbuloi se mori shumë thirrje pas audicionit. Prezantuesi Josh Horowitz bëri shaka se aktori mund të luante ende Harry Potter, por në serialin e ardhshëm televiziv që aktualisht po punohet nga HBO dhe Warner Bros.
Edhe pse nuk luajti në serialin që shënoi fëmijërinë e shumë njerëzve, Hoult deklaroi se së fundmi pati mundësinë të punonte me Chris Columbus, regjisorin e dy filmave të parë të “Harry Potter”. Në korrik, Hoult përfundoi xhirimet në “Superman”, i cili del në kinema vitin e ardhshëm. Është një tjetër nga filmat në të cilin i mungonte roli kryesor. Përkatësisht, ai bëri audicionin për rolin kryesor, por në fund mori rolin e Lex Luthor. Këtë vit, Hoult u shfaq gjithashtu në filmin e fundit të Clint Eastwood “Juror#2” dhe filmin e animuar “The Garfield Movie”.
Kërkimi për aktorët që do të luajnë rolet kryesore në serinë e re të HBO mbi “Harry Potter” ka filluar. Një thirrje e hapur për audicione u shpall të hënën për fëmijë nga Britania e Madhe dhe Irlanda që dëshirojnë të interpretojnë Harry Potter, Ron Weasley dhe Hermione Granger. HBO e konfirmoi këtë thirrje për Variety. Adapti i ri për televizion, i njoftuar nga HBO Max vitin e kaluar, synon të jetë një “adaptim i besueshëm i serisë së dashur të librave të Harry Potter nga autorja dhe producentja ekzekutive JK Rowling.” Sërish, seritë pritet të zgjasin për një dekadë, me çdo sezon të bazuar në një nga shtatë librat e Rowling.
Disa muaj më parë Daniel Radcliffe u bë baba për herë të parë. Ylli i filmave “Harry Potter” mirëpriti fëmijën e tij të parë me partneren, Erin Darke. Aktori së fundmi ka folur për revistën E!News dhe tha se e trembi shumë fakti që do të bëhej baba.
Sinqerisht, është e frikshme të kesh një qenie njerëzore për të cilën kujdesem kaq shumë dhe e di se gjithçka që ai bën ndikon në mënyrën se si ndihem për pjesën tjetër të jetës sime. Pra, e dini, është e frikshme.