Krasniqi për Vasfije Krasniqin: Ishte nder për Kuvendin e Kosovës

Vasfije Krasniqi të mërkurën dha dorëheqje nga pozita e deputets së Lëvizjes Vetëvendosje.Për këtë, në Kuvendin e Kosovës ka folur sot kryetari i PDK-së, Memli Krasniqi. Ai shprehu “konsideratën më të lartë” për deputeten e deridjeshme.

“Dëshiroj që ta shpreh konsideratën më të lartë për deputeten e deritanishme të Kuvendit të Kosovës, Vasfije Krasniqi, e cila dje dha dorëheqje nga pozita si e zgjedhur e populli”, tha Krasniqi.Ai tha se ishte “nder për Kuvendin e Kosovës” që e pati një deputete si ajo.

“Edhe në emrin tim personal, dëshiroj që t’i uroj shëndet, suksese në çdo aspekt të jetës dhe vërtet ka qenë nder për Kuvendin e Kosovës me pasë në mesin tonë një kolege, një grua të fuqishme si ajo”, tha Krasniqi.