1.7 C
New York
Tuesday, March 19, 2024

Buy now

Koronavirusi në Shqipëri, nëntë të vdekur në 24 orët e fundit

- Advertisement -

Nëntë persona me COVID-19 kanë vdekur gjatë 24 orëve të fundit në Shqipëri.

“Në 24 orët e fundit me gjithë përpjekjet e stafit mjekësor ka nëntë humbje jete me SARS-COV2 pozitiv: Një qytetar nga Puka 49 vjeç, tre qytetarë nga Fieri 58-85 vjeç, tre qytetarë nga Tirana 61-79 vjeç, një qytetar nga Durrësi 73 vjeç, një qytetar nga Berati 80 vjeç”, thuhet në njoftimin e ministrisë së Shëndetësisë atje.

Në ndërkohë janë konfirmuar edhe 1164 raste të reja me COVID-19 nga gjithsej 7,554 testime.

Janë shëruar 1,987 qytetarë gjatë 24 orëve të fundit, duke e çuar numrin e të shëruarve në 240,642 që nga fillimi i pandemisë.

Janë 17,236 pacientë aktivë me COVID-19 në të gjithë vendin, derisa aktualisht në spitalet COVID po marrin trajtim 128 pacientë nga të cilët 23 janë në gjendje më të rënduar.

Ministria e Shëndetësisë në Shqipëri i bën apel qytetarëve që të vaksinohen sa më parë për të mbrojtur veten dhe shëndetin e të tjerëve.

“Çdo qytetar mbi 16 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku. MSHMS apelon qytetarët që kanë kaluar 6 muaj nga kryerja e dozës së dytë të vaksinës, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet”.

Të ngjashme

111,400FansaPëlqeje
12,000NdjekësitNdjek

Të fundit