Kryetari i Kuvendit të Kosovës, Glauk Konjufca është pritur në takim nga kongresisti nga radhët e Partisë Republikane, njëherit anëtar i Grupit të Miqësisë për Çështje Shqiptare në kuadër të Kongresit, Robert Aderholt.
Konjufca tha se gjatë këtij takimi ka theksuar punën dhe përkushtimin e institucioneve të Kosovës sa i përket agjendës euroatlantike të Kosovës, avancimin e procesit të njohjeve ndërkombëtare dhe dialogun me Serbinë.
“Në një bashkëbisedim miqësor me z. Aderholt, theksova punën dhe përkushtimin e institucioneve të Kosovës sa i përket agjendës euroatlantike të Kosovës, avancimin e procesit të njohjeve ndërkombëtare dhe dialogun me Serbinë. Shkëmbyem pikëpamjet tona lidhur me zhvillimet aktuale politike dhe situatën e sigurisë në Kosovë dhe rajon”, tha Konjufca në Facebook.
Teksa tha se gjatë këtij takimi u diskutua për rëndësinë e intensifikimit të bashkëpunimit mes Kosovës e ShBA-ve në fusha të interesit të dyanshëm.