Deputetja e Lëvizjes Vetëvendosje, Adriana Matoshi në deklarimin e pasurisë në Agjencinë Kundër Korrupsion ka deklaruar një shtëpi 66 metra katrorë në vlerën e 400 mijë eurove, për të cilën thotë se është e trashëguar që nga viti 1957 dhe se është në emër të prindërve të saj.
Gjithashtu aktorja Matoshi ka deklaruar edhe një makinë që kushton tre mijë euro, e që po ashtu është e prindërve.
E njëjta më pas ka deklaruar të hyrat vjetore që merr nga Kuvendi i Kosovës, nga një produksion i serialit si dhe nga lokali privat që mban në Prishtinë.
Artistja nga Gjilani mes tjerash zbulon se merr mbi 15 mijë euro në vit nga Kuvendi i Kosovës.
Prindërit e aktores gjithashtu marrin para nga qiratë e lokaleve që posedojnë në qytetin e Gjilanit.
Adriana Matoshi u zgjodh deputete në Kuvendin e Kosovës në zgjedhjet parlamentare të 14 shkurtit 2021