KFOR-i nuk e ka mohuar e as nuk e konfirmuar pretendimin e Serbisë se Policia e Kosovës e ka kaluar kufirin në fshatin Çirkoviq, në territorin e komunës së Leposaviqit
Ministrisë së Mbrojtjes së Serbisë ka pretenduar se më 21 nëntor një grup policësh të Kosovës të armatosur kanë shkelur territorin e shtetit serb.
Në përgjigje për Radios Evropa e Lirë, KFOR-i nuk ka dhënë ndonjë detaj për këtë çështje.
“Ne kemi një prani të dukshme dhe fleksibile dhe jemi të pozicionuar mirë për t’u përgjigjur për çdo skenar të sigurisë, në përputhje me mandatin tonë shumëvjeçar që bazohet në Rezolutën 1244 të Këshillit të Sigurimit të Kombeve të Bashkuara të vitit 1999”, ka vlerësuar KFOR-i.
Ndryshe nga misioni i NATO-s, Policia e Kosovës i ka mohuar pretendimet e Serbisë.