Në KEK tha që shkoi rastësisht, por nuk u prit si zakonisht.
Deputeti i Partisë Demokratike të Kosovës, Ferat Shala, njëherësh edhe kryetar i Komisionit për Ekonomi, Ndërmarrësi dhe Tregti, gjatë qëndrimit në Termocentralin Kosova A, u bë dëshmitar i një shpërthimi të një kazani të Korporatës Energjetike.
Sipas tij, kjo nuk do të bëhej fare publike po të mos kishte rastisur aty.
Por, menjëherë pas sinjalizimit për eksplodim që e bëri ai, reagoi KEK-u duke e konfirmuar çkyçjen e një njësie.
Ndërprerja e njësisë A4 sipas Shalës, do të shkaktoj shumë humbje në ekonominë e vendit.