Kanye West e akuzoi për tradhti, reagon Kim Kardashian

Kim Kardashian ka hedhur poshtë akuzat se e ka tradhtuar Kanye West me lojtarin e NBA-së, Chris Paul. Page Six citon burime pranë yllit televiziv, të cilët kanë kundërshtuar pretendimet e reperit. Ky i fundit bëri një postim në Twitter, ku shkruante se kishte kapur ish gruan e tij me lojtarin e NBA-së.

“Kjo nuk është e vërtetë, dhe fatkeqësisht është një model i vazhdueshëm i Kanye – duke sulmuar Kim për të tërhequr vëmendjen e të gjithëve pas një dite me veprime të çmendura, ku ai ka thënë çdo gjë të urryer dhe fyese që mund të ëndërrojë,” tha burimi i brendshëm për Page Six.

Burimi i referohet më tej rasteve të tjera ku Kanye ka akuzuar Kim-in për tradhti dhe me Meek Mill, Drake dhe të tjerë. Burimi shtoi se “Kim dëshiron të jetë vetëm në mënyrë që të fokusohet në mirëqenien e fëmijëve të tyre.”